Den Internet huet eist Liewe ganz sécher verännert, radikal
verännert. Zougang zu der Welt just mat e puer Mausklicken an dat
zu all Moment. Schon erstaunlech, wat den Internet äis erlaabt huet.
An dat och wierklech jidderengem, besonnesch awer deenen, déi blann
sin. Wéisou, dat verréit äis d'Nathalie Reuter.
Nathalie Reuter:
De Sascha Lang, dien vu Gebuert u blann as,
as hei zu Lëtzebuerg an der Musekszeen keen Onbekannten. Hien
organiséiert Concerten, mécht Interviewen an schreift
Artikele fir verschidden Zeitungen an Radioen. Am Moment as hien am
gangen, en Pressecommuniqué opzesetzen fir Sonic season,
déi hir éischt CD lanzéieren. Ganz gezielt surft hien
am Netz an liest, wat um Ecran steet mat der Hëllef vun enger
Braillezäil.
Sascha Lang:
Ech gebrauchen et haptsächlech fir
méng Museksinformatiounen ze huelen. Wann ech z. B. en Artikel
schreiwen, dann gin ech oft gären op d'Homepage vun den
Künstler kucken, huelen mer do hir Biographien rof oder sichen mir
einfach anner Informatiounen. An eben och, bon, den Internet u sech als
Emailkommunikatiounssystem, wat einfach genial as, well ech kann
zimlech schnell Informatiounen hin an hir schécken, an ech
kréien dann d'Sachen zréck och op Email direkt um
Computer. Ech kann se also direkt liesen, brauch se also dann och nët
méi anzescannen, wann et een Fax as oder sou, d. h. ech hun se och
direkt um Computer, kann se veraarbechten.
Nathalie Reuter:
Viru kuerzem war den franzéischen Star,
Komponist, Musiker an Sänger Gilbert montagné hei zu
Lëtzebuerg an huet am Casino vun Mondorf en Concert gin. Hien,
dien vu Gebuert u blann as an en Fan vum Internet as, huet äis
bestätegt, dat dëse Medium och säi Liewe total
verännert huet.
Gilbert Montagné:
Oh mais Nathalie, on fait d'abord que je peux
avoir accès à toute la presse écrite. Tous les
journaux je peux les lire. Avant je ne pouvais pas. Maintenant je peux lire
n'importe quel journal puisque n'importe quel journal est en ligne. Tout ce
qui est sur Internet, à part les photos bien sûr, on peut les lire.
Donc n'importe quel site on peut, on peut aller dedans. Et c'est fantastique.
Et puis aussi il y a un site, je peux le donner, il y a plein de portails comme
ça, il y a un site qui s'appelle comfm c o m f m .fr où là
on a 3.800 radios en direct et 410 télévisions en direct. C'est
merveilleux. C'est fantastique. Pour moi c'est un rêve devenu
vrai.
Nathalie Reuter:
Virum Internet war de Zougang zu den
Informatiounen am allgemengen, ob an Punkto Zeitungsartikelen oder
Literatur fir déi Blann nämlech éischter
limitéiert.
Roger Hoffmann:
Fréier hat een tatsächlech
nëmmen déi Texter an Braille oder op Kassette oder
Tounband, déi d'Bibliothéiken engem zur Verfügung
gestallt hun. An dat kennen der jo eigentlech nët vill sin, well
déi mussen, wann een de Volum vun de Bicher, vun de
Schrëften, déi rauskommen all Dag, déi mussen jo
verschafft gin.
Nathalie Reuter:
Dat as um Netz elo nët méi
néideg. Genee wéi den Gilbert Montagné sou huet och den
Roger Hoffmann zousätzlech zu enger Braillezäil nach een
Synthétiseur vocal, een Programm, dien him virliest, wat um Ecran
steet, wat en zousätzlechen Plus as.
Roger Hoffmann:
Et geet méi séier. Also wann
Der e wéineg verfollescht hutt, wéi ech dann op der
Websäit do vum Yahoo kann rop an rof jauwen, wann ech dat all
Kéiers misst ënnert den Fanger liesen, déi ganz
Zäil, déi dann do steet, dat geet effektiv vill méi
séier.
Nathalie Reuter:
D'Josiane Rommes, wat zanter séngem
14. Liewesjoer blann as, huet souguer séng perséinlech
Internetsäit "Dots under Fingers" selwer gemach,
déi een op der Adresse www.rommes.org fënnt. Aus e puer
Grënn huet hat dës Säit kreéiert.
Josiane Rommes:
Éischtens, well ech geduecht hun, et gif
mer Spass machen, an well ech och e besschen wollt drop opmierksam
machen, dat och Blanner am Internet surfen, hir Problematik e besschen
duerstellen wollt, an och fir Kontakt ze kréien, well normalerweis as
et fir mech nët sou einfach, fir mat Läit an Kontakt ze
kommen, well do ëmmer sou eng Barrière as wéint
der Behennerung.
Nathalie Reuter:
Eng ganz Rei interessant Informatiounen iwert
Chiens Guiden, wéi dem Josiane säin Hond, de Laos,
fënnt een um Site, genee sou wéi z. B. Linken op Siten fir
Computerequipementer fir Blanner. Gelount huet sech d'Méi fir en
Site ze machen op alle Fall.
Josiane Rommes:
Ech hun och duurch méng Homepage
mäi Frënd kennengeléiert. Ech mengen, dat war schon
een groussen Succès.
Nathalie Reuter:
Mee all Säiten kréien déi
Blann nët gelies, sou wéi z. B. den Site vun der Chamber
(www.chd.lu). Dien as nämlech am Javascript geschriewen. En
Problem, dien awer liicht behuewen kann gin, wann d'Macher vun de Siten
och u déi Blann denken an hinen eng Alternativ ganz am HTML-
Code geschriewen unbidden.
En Nodeel huet dat Zousatzequipement fir déi Blann schon. Et as
dëst extrem deier. Eng Braillezäil kascht teschend 180 an
200.000,- Frang. Déi gudd Noricht dogéint, hei zu
Lëtzebuerg kënnt d'Pflegeversecherung fir dat
Computerequipement op, virausgesat et kann een beweisen, dat een och
domat ëmgoen kann. Weider Informatiounen get et bei der
Blannenvereenegung ënnert der Nummer 32 90 31-300.
